Македонија

Апел на 19-годишниот Дарко: Мајка ми ќе ми донира бубрег, за да можам да бидам врвен мајстор за автомобили

Животот за 19-годишниот Дарко Митков од Кавадарци е секојдневна макотрпна борба, особено во изминатите две години.

Тогаш му откажале функцииите и на неговиот втор бубрег, а сега е потребно да се изврши трансплантација.

Дарко ги раскажа своите соништа и планови за животот и верува дека наскоро ќе му се остварат, во разговор со порталот „Фокус“.

„Многу е тешко во оваа ситуација во која јас се наоѓам. И покрај се добро се справувам, имам голема поддршка од сите мои роднини, пријатели“, вели Митков.

Пронајден е и донатор на бубрег за Дарко, а тоа е неговата мајка. Операцијата ќе ја покрие Фондот за здравство, но на семејството Миткови им се потребни уште 5000 евра за лекување по хируршкиот зафат.

Како и секое младо момче, така и Дарко има свои соништа и свои планови за животот.

„Мојот сон е да бидам врвен мајстор за автомобили, но во оваа ситуација не можам да ја работам мојата сакана професија“, додаде Митков.

Прочитајте и...  Васил Јанкула пристигна во Охрид пред последната етапа на кружната велосипедска тура низ земјата

Се очекува трансплантацијата да биде извршена во Клиничкиот центар во Скопје, а сите хумани граѓани можат да донираат на жиро-сметката на НЛБ Банка 210-700000649842, а наскоро се очекува да бидат отворени и донаторски броеви на мобилните оператори.

Ј.Ц.
Преземено од неделникот „Фокус“.

Click to comment

Leave a Reply

Вашата адреса за е-пошта нема да биде објавена. Задолжителните полиња се означени со *

Најпопуларно


To Top