Случувања

Белгија: Осуден на 3 години затвор поради кражба на велосипед, судот утврдил еколошки злостор

Судот во Брисел изрече тригодишна затворска казна за украден велосипед и оцени дека станува збор за “еколошки злостор“.

Судијата оценил во својата аргументација дека со кражбата на велосипедот не само што е нанесена материјална штета, туку жртвата е приморана поради оваа кражба да користи превозни средства кои загадуваат значително повеќе од велосипедот, и со тоа е нанесена и еколошка штета бидејќи другите превозни средства придонесуваат за глобалното затоплување.

Крадецот доби строга тригодишна затворска казна, која несомнено се должи и на фактот што станува збор за рецидивист. Осудениот 41-годишник претходно седумнаесет пати бил осуден за слични кражби за кои добил дванаесет години куси условни затворски казни.

Судијата изјави дека е неприфатливо што судот не ги применил ниеднаш овие казни досега и дека овој пат осудениот мора да отслужи три години затвор без можност за апелација.

Прочитајте и...  Трогателна приказна се крие зад хитот на Дино Мерлин

Најпопуларно


To Top