Филм & ТВ

БИЗАРНО: ТВ шоу во кое мажи се натпреваруваат кој ќе ѝ направи дете на оваа жена

Дури 15 мажи се натпреваруваат кој ќе ѝ направи дете на 40-годишната жена во новото шоу на “Fox” – “Labor of Love”.

Шоуто го води Кристин Дејвис, најпозната по улогата на конзервативната Шарлот во серијата “Sex and the City”. Главната протагонистка е Кристи Кацман која сака да има дете пред да ѝ отчука биолошкиот часовник, а моментално е разведена.

Како што вели таа, по годините во кои на прво место ја ставала својата кариера, сака да го пронајде мажот на својот живот, но уште поважно – таткото на своето дете.

LABOR OF LOVE: L-R: Top Row: Alan Santini, Marcus Lehman, Stewart Gill, Kyle Klinger, Gary Malec, Walker Posey Middle Row: Jason Christopher Smith, Mario Calderon, Trent Broach, Kristy Katzmann, Keith Reams, Tali Raphaely, Budge Collinson Bottom Row: Angelo Castricone, Matt Kaye and Phillip Michael Jacques in LABOR OF LOVE, premiering Thursday, May 21 (9:00-10:00 PM ET/PT) on FOX. © 2020 FOX MEDIA LLC. Cr: Jace Downs

“Само што наполнив 40 години и сум разведена. Се обидував да се снајдам на состаноци бидејќи сакам да основам семејство, но времето не е на моја страна. Мислам дека многу жени ќе се поистоветат со мојата приказна”, вели Кристи.

Со оглед дека резултатот на шоуто треба да биде бебе, јасно е зошто истото е поконтроверзно од повеќето слични емисии во кои се бара партнер.

Прочитајте и...  Филм за „Барби“: Марго Роби во главната улога

Првата епизода започнува со донирање на сперма. Додека мажите чекаат на ред да ја наполнат чашката, Дејвис им објаснува дека нивната сперма ќе се анализира за да се провери нивната плодност, а од тоа зависи дали ќе останат во шоуто или не.

Продуцентката на “Labor of Love”, Лорен Гирион, признала дека мажите не знаеле дека ќе треба да донираат сперма сè додека Кристин Дејвис не им го соопштила тоа пред камерите.

Освен тоа, тие ќе мора да покажат како се снаоѓаат со деца, ќе менуваат пелени, ќе внимаваат на просторија полна со деца, а ќе бидат приклучени и на апарат кој симулира породилни болки.

Прочитајте и...  Топ 5 серии за 2019 година досега

“Еден од моите најголеми стравови беше дека нема да постои маж кој го посакува ова. Мислам дека вистинскиот тест беше анализата на спермата штом ме запознаа”, искоментирала Кацман.

Таа додала и дека ѝ е најтешко секоја недела да испраќа по еден маж дома.

Најпопуларно

To Top