Македонија

Бронза и злато за момче со Даунов синдром од Скопје

20191125135900

Ники мајстореее – се ореше од трибинте на базенот „Спартак во Софија“ кога Никола Стојановски, момче со Даунов синдром од Скопје ги финишираше трките во 25 метри краул и грбно. Како и секогаш, најголемата поддршка му беа неговите другари со Даунов синдром од Скопје, кои беа најгласни и со кои со години заеднички тренираат

Ники (15) се закити со златен медал на 25 метри краул и со бронзен медал на 25 метри грбно на Мeѓународниот турнир по адаптивно пливање во организација на фондацијата „Воден пат“ од Софија на кој  учествуваа 85 деца со интелектуална и физичка  попреченост од Бугарија, Србија и од Македонија.

Радоста беше огромна, иако ова не му се први меѓународни награди на Никола кој со пливање активно се занимава три години.

miki 1

За тоа како почнала приказната со пливањето мајка му Сузана Стојановска раскажува:

– Пред да почне да спортува, Никола беше хиперактивен, постојано во движење, како да бараше нешто.. Откако почна активно да се занимава со спорт, сосема му се смени однесувањето во позитивна насока. Научи дека треба редовно да оди на тренинзи, ги научи правилата во спортот, стана потрпелив, научи што значи тимска игра. Тој во спортот буквално се пронајде себе си. Најмногу го сака пливањето каде има и најголем успех.

Прочитајте и...  Нови 67 случаи со коронавирус и еден починат пациент

Стојановска која е и претседател на здружението „Дневен центар – доза среќа“ кој го организираше гостувањето на македонските пливачи со Даунов синдром во Софија,  додава дека спортот е особено важен за овие деца пред се` од здравствени причини.

– Децата со Даунов синдром имаат слаб тонус на мускулатурата и пливањето им помага да ги зајакнат мускулите. Правилното дишење кое е основа во овој спорт, е тесно поврзано со говорот и апнеата која ја имаат поголемиот дел од децата. Покрај здравствените бенефити, би додала  дека најважна е социјализацијата и инклузијата која токму преку спортот има најголем успех – додава Стојановска.

135043miki 2

Успесите на Ники и другите членови од клубот најмногу се должат на неуморната работа на тренерот по адаптивно пливање Радован Велјановски кој веќе неколку години држи тренинзи за деца и млади со попреченост во базенот при спортскиот центар „Борис Трајковски“ во Скопје.

135358miki 3

– Пливањето  се смета за спорт број еден за лицата со попреченост поради тоа што водата делува смирувачки и помага во целокупниот физички и метален напредок. Особено се важни натпреварите, бидејќи тие влијаат врз градењето на карактерот . Децата со попреченост се стекнуваат со свое „јас“ и стануваат помотивирини и во другите области од животот. За сево ова кај нас е задолжена група на млади тренери кои со голема љубов и ентузијазам волонтерски трипати неделно одржуваат тренинзи – вели Велјановски.

Прочитајте и...  Прекрасна преработка: младата Стојне Николова ја препеа „Крушево абер пристигна“, ОГРОМНО БРАВО!
135341miki 4

Младите со Даунов синдром во Софија учествуваа и на регионалниот пријателски натпревар во фудбал, како дел од фудбалскиот тим „Карпошово“ од Скопје каде последнаите две години се екипира и првиот фудбласки тим за млади со Даунов синдром.

Мимоза Петревска Георгиева (Преземено од Женски Магазин)

Click to comment

Leave a Reply

Вашата адреса за е-пошта нема да биде објавена. Задолжителните полиња се означени со *

Најпопуларно


To Top