in

Брз и лесен рецепт за сочни бразилски бомбици од само 4 состојки

Овие бразилски чоколадни бомбици се прекрасни доколку сакате да вкусите нешто навистина благо, а истото да го направите брзо.

Brigadeiros бомбици се роденденски хит во Бразил. Станува збор за слатки топчиња кои што се подготвуваат со кондензирано млеко и какао во прав. Смесата потоа се обликува во вид на топчиња и се валка во чоколадни трошки.

Кондензираното млеко може да го направите и сами, а доколку сакате десертот да биде поблаг тогаш наместо горко какао во прав, може да искористите и засладен напиток од истото.

Смесата за овој десерт може да се направи и во микробранова печка. Доволно е да ги помешате сите состојки, па да ги загреете, неколку пати со пауза додека смесата не се соедини. Ова е еден од начините на кој можат да се подготват овие бразилски бомбици.

Потребни состојки:

– 1 лажица путер;
– 395 грама слатко кондензирано млеко;
– 30 грама какао во прав;
– 160 грама чоколадни трошки.

Прочитајте и...  Чоколадни мафини кои се топат во уста - рецепт за најсочните мафини што некогаш сте ги пробале

Начин на подготовка:

1. Помешајте ги сите состојки, па на тивок оган мешајте додека не се соединат. Ќе знаете дека смесата е готова кога мешајќи во тенџерчето нема да го видите неговото дно.

2. Ставете ја смесата во сад, па во фрижидер за да се излади (околу 1 час). Откако ќе се излади, обликувајте топчиња и секое од нив поединечно извалкајте го во чоколадните трошки.

Brazilian Truffles (Brigadeiros) 4 Ways | Recipes

Извор: курир.мк

Што мислите?

1 Поен
Upvote Downvote