Случувања

Денеска не очекува спектакуларен и многу редок феномен на небото

Денеска, на 21 декември 2020, кратко по зајдисонцето, ќе се случи фантастичен и многу редок феномен на небото.

Имено, ќе се случи многу блиска врска на Јупитер и Сатурн, која не се случила од 1623 година. Тие навидум ќе бидат на небото во скоро иста точка, одделени една од друга со само 0,1 ° (1/10 степен), т.е. само 6 лачни минути.

Јупитер и Сатурн во реалноста нема да бидат воопшто близу, туку милиони километри оддалечени, но од наша перспектива, гледајќи од Земјата, тие ќе се усогласат и навидум ќе се приближат еден до друг на небото.

Ваквото блиско приближување на Јупитер и Сатурн е многу ретко и може слободно да се каже дека некои генерации никогаш нема да го доживеат, поради тоа што последниот ваков спој се случил во 1623 година, но тогаш никој не можел да го види бидејќи тие биле премногу блиску до Сонцето.

Прочитајте и...  Што всушност се случува на небото?

Последниот ваков близок спој, кој бил лесно видлив, се случил на 4 март 1226 година. Грубо кажано, оваа голема врска се повторува на секои 800 години или нешто повеќе.

За набљудување на овој редок феномен најдобро време е од 16:30 часот до 18 часот, ако погледнете во хоризонтот на југо-запад.

Следниот пристап видлив од Земјата се очекува на 15 март 2080 година.

Најпопуларно

To Top