Дом и Градина

Еве кои работи кои може да ги перете во машина за алишта без да се уништат

raboti koi mozhe da gi perete vo mashina bez da se unishtat 09

Машината за перење алишта може да ни помогне за перење на многу други работи, иако повеќето го избегнуваат тоа, бидејќи се плашат да не им се уништи нешто.

Секако, доколку погрешно ја користите машината за перење облека, може да дојде до расипување на истата, или пак до уништување на она што го перете.

Но, иако досега можеби не сте практикувале, можете да почнете во неа да перете многу повеќе работи кои досега сте ги переле на рака (или сте избегнувале да ги перете), но сепак, треба да бидете многу внимателни и не мора да почнете со најдрагото и најскапото парче.

Работи кои може да ги перете во машина:

Спортска опрема

Ставете ја опремата во специјална торбичка или навлака за перница, користете течен детергент и вклучете на програма за деликатно перење.

Патоси за јога и за во бања

Гумените патоси исто така мора редовно да се перат, а може да ги ставите во машина со некои пешкири и слични работи, да користите програма за деликатно перење и не мора да користите детергент.

Прочитајте и...  Ова се идеалните бои според Фенг Шуи за 2020 година

Кадифени и пластични играчки

На играчките на децата има многу бактерии, па неопходно е да се перат, а ако немате време за поединечно, ставете ги во вреќа за перење и пуштете ги во машина со двапати помалку детергент од вообичаено.

Еко вреќи за пазарење

Еко вреќите за пазарење се одлични како замена за пластичните, но не треба да заборавите да ги перете. Ставете ги во машина, користете течен детергент, програма за деликатно перење и средна температура.

Завеси за када и сунѓери за бањање

Ставете ги сунѓерите за бањање и завесите од када во машина, заедно со неколку пешкири и користете мала количина на детергент, на стандардна програма за перење.

Чизми од овча кожа и патики

Популарните чизми може да се перат во ладна вода на програма за деликатно перење, а пред да ги ставите патиките во машина, исчистете ја нечистотијата, извадете ги врвците и ставете ги во вреќичка.

Бејзбол капчиња и стегачи за коса

Овие додатоци може да ги ставите во посебна вреќичка и да ги перете на програма за деликатно перење.

Прочитајте и...  Евтин трик за алишта бели како снег

Подлога за маус и копчиња од тастатура

Тастатурата и подлогата за маусот кои секојдневно ги користите собираат многу прашина и бактерии, па не треба да заборавите да ги исперете.

Ставете ги во специјална вреќичка или навлака за перница и пуштете ги на програма за деликатно перење со млака вода и сушете ги на воздух.

Додатоци за во кујна

Кујнските крпи, ракавици, силиконските подлоги, држачи за топлина, слични меки работи може да ги перете заедно во топла вода.

Click to comment

Leave a Reply

Вашата адреса за е-пошта нема да биде објавена. Задолжителните полиња се означени со *

Најпопуларно


To Top