Филм & ТВ

Како се снимаше „Медена земја“ (ФОТО)

На неколку дена пред доделувањето на Оскарите, погледнете дел од фотографиите направени за време на снимањето на документарниот филм „Медена Земја“ на режисерите Тамара Котевска и Љубомир Стефанов кој доби две номинации за Оскар, за најдобар документарец и за најдобар странски филм.

Ова е првиот македонски филм со две номинации за Оскар, со што „Медена земја“ испиша историја.

„Медена земја“ е филм за Атиџе Муратова, последната жена-одгледувач на диви пчели во Европа, која живее сама со мајка си зафрленото напуптено овчеполското село Бекирлија и која медот го собира по принципол пола-пола – пола за неа, пола за пчелите. Главна идеја на филмот е да се прикаже припадноста на човекот кон природата и нарушување на природната рамнотежа преку судир на два различни начина на искористување на природните ресурси. Екипата го снимаше документарецот во текот на три години.

Деведесет и второто доделување на престижните Оскари е закажано на 10 февруари во театарот Долби во Холивуд. Преносот почнува околу 2 часот пополноќ, според средноевропско време. Втора година по ред, церемонијата на доделување Оскари нема да има водител.

Претседателката на ТВ-мрежата Еј-Би-Си, Кери Берк, кажа дека „преносот ќе се фокусира на она што добро функционираше и минатата година, како добра забава, врвни музички настапи и многу комедија и ѕвезди“. Церемонијата телевизиски ќе се пренесува во повеќе од 225 земји низ светот.

Прочитајте и...  Се подготвува јубилејно продолжение на „CSI“, 20 години по објавувањето на првата епизода

Фотографиите се на режисерите Котевска и Стефанов.

Извор: Курир.мк

Најпопуларно


To Top