Кујна

Кокосов чизкејк – вашиот нов омилен десерт готов за 20 минути

Идеален десерт за секој љубител на кокос…

Потребни состојки за кора:

250г мелена плазма
70г путер
10г какао
сок од портокал по потреба

Начин на подготовка:

Во сад се соединуваат мелената плазма и стопениот путер и се додава сок од портокал по потреба додека да се добие потребната смеса.
Се ставаат во калап за печење што се отвора (обем 28 cm) и се притискаат на дното додека се измазни смесата како кора. Се остава во фрижидер да се стврдне.

Потребни состојки за прв фил:

200г крем сир или маскарпоне
300г слатка павлака
4 лажици шеќер во прав
150г кокосово брашно

Начин на подготовка:

Во сад ја ставаме слатката павлака со шеќерот во прав и матиме додека не добиеме убав цврст шлаг. Додаваме крем сир/маскарпоне и кокосово брашно и мешаме со дрвена лажица додека не се соединат. Вака подготвената смеса се тура во калапот и се остава во фрижидер додека го подготвувате следниот фил.

Прочитајте и...  Свадбени фотографии од разни делови на светот кои го покажуваат вистинското значење на овој голем ден

Потребни состојки за вториот фил:

100г крем сир или маскарпоне
200г слатка павлака
2 лажици еурокрем

Начин на подготовка:

Во сад ја ставаме слатката павлака и матиме додека не добиеме цврст шлаг. Додаваме крем сир/маскарпоне и еурокрем и мешаме додека се убаво се соедини. Смесата се тура во калапот и се остава во фрижидер неколку часа.

Потребни состојки за ганаш:

100г слатка павлака
100г чоколада за готвење

Начин на подготовка:

Ја загреваме слатката павлака на средна температура и додаваме чоколада за готвење. Мешаме се додека не се стопи и не добиеме хомогена смеса. Овој прелив го тураме на веќе изладената торта и повторно ја оставаме во фрижидер неколку часа.

Најпопуларно

To Top