Занимливости

Моментот кога 82-годишна бодибилдерка ќе претепа крадец

Не е баш пријатно кога ќе ве претепа 82-годишна старица, поранешна бодибилдерка. Ова е искуството на крадец кој се обидел да провали во домот на Вили Марфи, без да знае дека станува збор за многу опасна бабичка.

willie murphy

Во интервју за медиумите Марфи објаснува како се случил овој настан. Старицата вели дека се подготвувала да си легне кога некој почнал да чука на вратата и да ја моли да повика Брза помош, пишува CNN.

Таа одговорила дека ќе повика полиција и не го пуштила човекот во домот. Тогаш, тој се налутил и провалил низ вратата.

„Одбра погрешна куќа за провалување. Беше полумрачно, а јас сум стара и сама. Но, погодете што, многу сум силна,“, вели Марфи, покажувајќи ги мускулите.

Марфи е наградувана бодибилдерка која и во деветтата деценија од животот секојдневно вежба во локалната теретана. Таа употребила неколку предмети во домот со кои го нападнала 28-годишниот натрапник. Првин фрлила стол кон него, кој се скршил. Потоа го тепала со ногалка, па неколку пати скокнала на него. Додека тој лежел на подот Марфи истрчала во бањата од каде зела детски шампон и почнала да го прска по лицето. Но, ни тоа не било крајот за натрапникот.

Прочитајте и...  Бекам за својот клуб гради стадион од 930 милиони долари

Марфи почнала да го тепа со метла, по што набргу пристигнала полицијата, како и Брзата помош кои го спасиле момчето од ќотекот на старицата.

Click to comment

Leave a Reply

Вашата адреса за е-пошта нема да биде објавена. Задолжителните полиња се означени со *

Најпопуларно


To Top