Кујна

Најдобриот рецепт за американски палачинки какви што не сте пробале досега

Палачинките се одлични за појадок или за десерт во кој било период од денот. Неограничен е бројот на комбинации за сервирање, а нивниот вкус лесно можете да го менувате во однос на вашите желби.

Потребни состојки:

1 шолја брашно
2 големи лажици шеќер
1 ќесичка прашок за пециво
прстофат сол
1 шолја млеко
1 јајце
2 големи лажици растопен путер или зејтин

Начин на подготовка:

Во длабок сад се матат јајцето и шеќерот. Потоа се додаваат зејтинот, млекото, брашното, пецивото и прстофат сол. Се убаво се мати.

Загрејте тавче на средна температура и премачкајте го со малку масло за јадење или путер.

Со помош на кутлача ставете од густата смеса во тавчето. Налевајте во едно место и смесата сама ќе се распореди во кружна форма.

Печете ги палачинките додека не добијат златно-кафеава боја. Потоа превртете ги на другата страна. Од оваа смеса се добиваат околу 10 палачинки, во зависност од големината.

Палачинките се редат по неколку една над друга и се прелеваат со мед, јаворов сируп, карамел прелив или чоколаден прелив, или пак се премачкуваат со џем, а се сервираат и со овошје како смокви, јагоди, малини, банани и сл.

Прочитајте и...  Вкусни и брзи чоколадни мафини

Најпопуларно


To Top