Организирано собирање смет во радовишкото село Ињево

Јавното комунално претпријатие „Плаваја“ од Радовиш почна со организирано собирање и депонирање на комуналниот отпад од радовишкото село Ињево.

injatevo 229414

Проектот стартуваше со поставување 10 контејнери на повеќе локации и спроведување на еколошка акција за расчистување на неколку диви депонии од атарот на селото.

– Акцијата ја преземаме за подигање на еколошката свеста кај граѓаните, заедно со јавното комунално претпријатие и месната заедница од селото. Планираме да организираме вакви еколошки акции и во останатите населени места во Општината и затоа апелирам до сите месни заедници да се пријават, а јас како градоначалник заедно со Советот ќе се потрудиме успешно да ги спроведеме, изјави градоначалникот на Радовиш, Герасим Конзулов.

Еколошката акција се реализираше во соработка со месната заедница на селото Ињево со цел да се подигне еколошката свест кај населението.

Преземањето на содржините (слики и текст) е дозволено само делумно со наведување на извор (хиперлинк) до содржината која се презема.