Македонија

Со македонска песна група музичари ги повикаа граѓаните на Измит да останат дома

Ниту шпанска серенада, ниту италијанска опера. Чист македонски фолклор одекна на улиците на градот Измит во Турција.

Поголема група музичари со потекло од Македонија свиреа и пееја македонски песни на улиците, во знак на поддршка на повикот на властите да се остане дома како дел од превенцијата против ширењето на Ковид – 19.

Како што пренесе турската агенција „Анадолија“, групата музичари со саксофони, кларинети, тапани, труби и хармоники чекореа и пееја по улиците на Измит, повикувајќи ги граѓаните да останат дома додека тие се забавуваа и аплаудираа од своите тераси.

Градот Измит во областа Коџаели е познат по големиот број иселеници, меѓу кои и многумина од Македонија, пренесува „Анадолија“.

Извор: Канал5

Прочитајте и...  Надалеку познатиот прилепски мермер се преточува во прекрасни скулптури на прилепската ликовна колонија

Најпопуларно

To Top